Փորձեմ հակիրճ ներկայացնել վերջերս այս հիվանդանոցի հետ ունեցած առնչությունս։Մի քանի օր առաջ 15 տարեկան երեխայիս մոտ անսպասելի սկսվեց սուր նյարդային նոպա, ընդ որում առաջին անգամ, դասարանով էքսկուրսիայից վերադառնալու ճանապարհին։ Շտապօգնության մեքենայով տեղափոխում են Գորիսի ԲԿ, որտեղ ցուցաբերում են առաջին օգնություն, որի համար շատ շնորհակալ եմ Գորիսի ԲԿ-ի անձնակազմին։ Պատրաստվում էինք երեխային գրանցել նյարդաբանի մոտ զննման, երբ 1 օր անց սկսվեց երկրորդ ավելի սուր նոպան։ Նորից ահազանգեցինք շտապօգնություն, որը հարկ համարեց երեխային շտապ տեղափոխել հիվանդանոց։ Հուրախություն մեզ պարզվեց, որ այդ ուշ ժամին՝ 18:30-ին մանկական նյարդաբանը դեռ հիվանդանոցում էր։ Հեռախոսազանգի միջոցով կապվեցինք նրա հետ և հեռախոսով լսեցինք նրա դժկամ ձայնը, որը խիստ դժգոհեց իրեն այդ ժամին անհանգստացնելու համար, բայց մեր հանդեպ ցուցաբերեց բարություն՝ ասելով, որ կզննի երեխային։ Այդ ընթացքում չափեցին երեխայի ջերմությունը, պարզվեց, որ ունի 37 աստիճանի ջերմություն։ Որից հետո, առանց COVID 19-ի թեսթ հանձնելու, երեխային տարան COVID 19-ի բաժանմունք։ Մեր բժկուհին՝ ոմն Նունե Գառնիկովնան, լսելով COVID 19-ի բաժանմունք անունը, սառը գործնական տոնով հաղորդեց մեզ, որ ինքը «կատեգորիկ կերպով հրաժարվում է մտնել այդ բաժանմունք»։ Հանուն արդարության ասեմ, որ բառացի կրկնում եմ նրա խոսքերը։ Մտքիս են գալիս մեծն բանաստեղծ Պ․ Սևակի խոսքերը՝ «Մարդու նկատմամբ մա՛րդ եղեք, մարդի՜կ»։

Վատագույն բժշկական հաստատությունն է, որ երբևէ այցելել ենք։ Զարմանում եմ, թե մարդիկ ոնց են գնում այս հիվանդանոց։ Մեր տղան ականջի մեջ գնդիկ էր մտցրել, տարա, որ ողողումներով հանեն։ Ողողում չկարողացան անել, քանի-որ սարքը չէր աշխատում, երիտասարդ բժշկի ձեռքերն էլ դողում էին։ Զանգեց, կանչեց տարիքով ավելի մեծ բժշկի, որը ինչ-որ մետաղական գործիքով վնասեց խոռոչը, գնդիկն էլ ավելի խորը մտցրեց։ Վերջում էլ ասեց, որ չեն կարող հանել, պետք է տանենք Արաբկիր։ Մինչև օրվա վերջ ականջից արյունահոսում էր։ Հազիվ կանգնացրեցին արյունը։ Արաբկիրում երեխաս արդեն 2 օր է պառկած է, այսօր վիրահատեցին, ու ամեն ինչ լավ անցավ։ 14 օր դեռ պետք է ականջի մեջ դեղ կաթացնենք, որ վերջնական ամեն ինչ լավանա։ Շատ դժգոհ ենք, բոլորին կոչ եմ անում, երբեք չայցելել այս հաստատությունը ...

Բժշկուհու կողմից 0 ուշադրություն։ Դուրս գրվելուց հետո երկու օր է չեմ կարողանում էպիկրիզն ու անաշխատունակության թերթիկս վերցնել։ Հուսանք կարիքը չի լինի, բայց եթե լինի էլ, այստեղ երբեք չեմ բերի բալիկիս

Շատ շնորհակալ եմ վերակենդանացման բաժանմունքի վարիչ Աննա Չոբանյանից իր ջերմ ընդունելության ու պրոֆեսիոնալ մոտեցման համար , շատ լավ մասնագետ , հիանալի Մարդ , ով իր պրոֆեսիոնալ գիտելիքների շնորհիվ հիվանդին ոտքի է կանգնում հաշված ժամերի ընթացքում.

Շատ վատ սպասարկում էր, հատկապես ռադիոլոգ բժիշկի կողմից՝ Մանդել Ի.Ի.